|
Ein wäördje van de Vors Welkom op ut thoésblaad van Internationaal Vastelaoves Gezelschap Ut Teùterièk. Ik wil ôch toch efkes ein kleine inleiding gaeve euver ut ôntstaon van dit gezelschap. Juli 2001 waas ut begin van dit schoeëne vastelaoves gezelschap. Op dezen daag is offisjeel “ut Teùterièk” ôntstaon. Dae zellufde daag woord onder de snikheite zôn met eine gas versnierkte Venlose Minse, (en andere luuj die d’r toevallig beej aanwezig waare en d’r niks van verstônde) op ein ludiéke wies ôzze iërste Prins oétgeroope, op d’n boeg van eine boét, in ut zônnige Griekeland. Nao ein jaor in kleiner vaarwater te hebbe gelaege, begôs ut weer te kriebele. Op det moment zién de ideeje en activiteite ôntstaon die geleid hebbe tot ein schoeën, maar veural ôntzettend joeksig en internationaal vastelaoves gezelschap. Deze groep van Vastelaovesgekke besteit veural oét ein groep luuj die mit mekaar al mièr as 15 jaor joeksig daor ut laeve gaon en wao in de laup der jaore minse naeve kwaame en ut toch zoëe sjiek vônde detse zién bliéve plekke. Beej ôs geit ut los met de tradisie det dit gezelschap wakker wuurd op de vriédaag dae ein waek iërder leet dan de Venlose Vastelaovend (kint geej mich volge). Nao waeke van veurbereiding vindt dan beej Kefee Pollux ut groëete Teùtebal plaats. Met altiéd ein keur van artieste en ôs eige teùtekepèl. En neet te vergaete ut hoëegtepunt van d’n aovend, ut oétroope van ut niéje Trio. D’n daag daornao is ut weer metein aantraeje, waat veur de meiste hiél vruug is. Dan wuurd in residensie Pollux ’s morges eine baom gelag. Waat dan de rés van d’n daag wiés zôndaag morge gebeurt weite weej auk neet gans. Ut innigste is tradisie det dit in ôs zusterstad Kölle gebeurt. Maar de foto’s op ôs sait herinnere ôs heej aan en gaeve ôch eine indrök van de joeks dae weej mit z’n alle belaeve in de schoënste tiéd van ut jaor. Kiék heej ens röstig rônd en kom geregeld truuk, veur nieje joeks dae gewaes is en kômme geit. Venlo en Kölle “ALAAF”  Niels van den Ham
Vors Teùtius d’n XI
auk wal "Niels Pferdenbiels von Langenschwanzenhoven" |
